អំពីគម្រោង

ប៉ុន្មានឆ្នាំចុងក្រោយនេះមានរបាយការណ៍ជាច្រើនបានទាក់ទាញការយកចិត្តទុកដាក់កាន់តែខ្លាំង ព្រមទាំងបានឆ្លុះបង្ហាញអំពីកំណើននៃការរំលោភបំពានសិទ្ធិមនុស្សនិងពលកម្មកាងារយ៉ាងធ្ងន់ធ្ងរជាពិសេសកម្មករអន្តោប្រវេសន៍ក្នុងអាជីវ កម្មនេសាទនិងការកែច្នៃអាហារសមុទ្រ។

គម្រោងរបស់ ILO ក្រោមជំនួយឧបត្ថម្ភមូលនិធិពីសហភាពអឺរ៉ុបឈ្មោះថា “សិទ្ធិពីទូកមកកំពង់” (ការប្រយុទ្ធប្រឆាំងនឹងទម្រង់ពលកម្មការងារដែលមិនអាចទទួលយកបានក្នុងឧស្សាហកម្មនេសាទនិងអាហារសមុទ្រថៃ) បានធ្វើការយ៉ាងជិតស្និទ្ធជាមួយភាគីដៃគូផ្សេងៗដូចជារដ្ឋាភិបាលថៃ ភាគីឧស្សាហកម្ម អង្គការពលករកម្មករ និងអតិថិជនដើម្បីបង្ការការពារ និងកាត់បន្ថយទម្រង់ពលកម្មការងារដែលមិនអាចទទួលយកបានគ្រប់រូបបែបក្នុងអាជីវកម្មនេសាទនិងអាហារសមុទ្រ។

គម្រោងនេះមានគោលដៅសំខាន់ៗចំនួន 4 ដែលដំណើរការក្នុងខេត្តជាប់ឆ្នេរសមុទ្រទាំង 22 របស់ថៃ ដោយសង្កត់ធ្ងន់ទៅលើតំបន់ដែលមានការនេសាទនិងកែច្នៃអាហារសមុទ្រជាចម្បងដូចជា ខេត្តសមុទ្រសាគរ (Samut Sakhorn) ខេត្តជលបុរី (Chonburi) ខេត្តរយ៉ង (Rayong) ខេត្តជុំពរ (Chumphorn) ខេត្តសុរាស្រ្តធានី (Suratthani) ខេត្តផាំងង៉ា (Phangnga) ខេត្តភូកេ៏ត (Phuket) ខេត្តរនង (Ranong) ខេត្តត្រាំង (Trang) ខេត្តសុងខ្លា (Songkhla) និងខេត្តបតនី (Pattani)។ គម្រោងនេះមានការិយាល័យកណ្ដាលក្នុងរាជធានីបាងកក និងការិយាល័យប្រចាំតំបន់ក្នុងខេត្តផាំងង៉ា។